Осындай тақырыпта аудандық орталық кітапханада Кеңес әскерінің Ауған жерінен шығарылғанына 30 жыл толуына орай тарихи кеш өтті.

 Отан алдындағы интернеционалдық борышын өтеген Ауған соғысы ардагерлерінің ерлігін үлгі ету, Отан қорғау әр азаматтың қасиетті борышы екендігін жастардың түсінігіне жеткізу, Ауған соғысында қаза болған боздақтар рухына тағзым ету, есімдерін қастерлеу мақсатындағы шараға ауған соғысы ардагерлері мен «Көктем» қазақ орта мектебінің оқушылары қатысты.

Кеңес әскерлерінің Ауған жерінен шығарылғанына 30 жыл толуына ұйымдастырылған кеште ауғанда соғысы ардагерлері өз естеліктерімен бөлісіп, жастардың бейбіт өмірдің бағасын білуге шақырды. Сондай-ақ оқушылардың сұрақтарына жауап беріп, Ауғанстан жеріндегі соғыс қимылдары жайында әңгімелеп берді.

Толығырақ газетіміздің 14 ақпандағы №7 санынан оқи аласыздар