ban2

«Адалдық» әуелі отбасынан бастау алу керек

«Адалдық алаңы» республикалық жоба аясында М.Әуезов атындағы орта мектепте жоғары сынып оқушыларымен шара өтті.

Оның мақсаты - өскелең жас ұрпақтың бойына адалдық және рухани болмысын бекітіп, сыбайлас жемқорыққа қарсы мәдениетін қалыптастыру. Алдымен шара зейнеткерлікке шыққалы жүрген ақсақалдың зейнеткерікке шығар алдында  жұмысына салғырт қарап, асығыс салған үйі өзіне сыйға тартылғанда өкінгендігі баяндалған бейнефильммен бастау алды.

Кейін шараға қатысқан аудандық ішкі саясат бөлімінің басшысы Артур Мурзин сыбайлас жемқорлық туралы Заң қабылданғаны, сол бағытта жұмыстар атқарылып жатқандығын айта келе, алда төрт ірі шара тұрғандығын, соған белсене қатысуға және білімді болып, жемқорлыққа жол бермеуге шақырды. Сонымен қатар сондай фактіге тап болған жағдайда аудандағы «Нұр Отан» партиясы жанындағы сыбайлас жемқорлыққа қарсы комиссияның төрағасы Ж.Амантурлин және белсенді жастардан құрылған «Адалдық алаңы» тобына хабарласуға болатынын қаперге берді.

Кездесу шарасына қатысқан оқушылар ауданда осы кеселмен күресудің қаншалықты жүргізіліп жатқанын сұрап, көкейдегі толғандырған сауалдарына жауап алды.

Ал директордың тәрбие ісінің меңгерушісі Жұмагүл Ермекбаева: «Біз өткен жылы «Адалдық алаңы» дүкенін ашқан болатынбыз, биыл да арнайы мамандар шақырып шара өткізіп отырмыз, сонда түсінгенім біздің балаларға сенімділік, адалдық деген ұғымдар әлі толық дарымай қалған сияқты деген ой туындады, оны әуелі отбасынан, балабақшадан бастаса елімізде адал азаматтары көп, өз-өзіне сенімді ұрпақ шығатынына сенімдімін, - дей келе, әкімшілік атынан келген қонақтарға алғысын білдірді.

Ақмарал ТӨЛЕГЕНҚЫЗЫ,

Индер ауданы

Жарнама

banner_small

Сауалнама

Жаңа дизайн ұнадыма?

Бейнебаян жаңалығы

Жарнама

banner_small

baner