Атырау облысы полиция департаментінің Киберқылмысқа қарсы іс-қимыл басқармасының қызметкерлері Halyk Bank АҚ қызметкерлерімен кездесу өткізіп, интернет-алаяқтықтың алдын алу және азаматтардың қаржылық қауіпсіздігін қамтамасыз ету мәселелерін талқылады. Кездесу барысында алаяқтардың кең тараған әдістері, банк карталары мен шоттарына қатысты қауіпсіздік шаралары, сондай-ақ күмәнді қоңыраулар мен хабарламаларға жауап бермеу қажеттігі түсіндірілді.
Айта кетейік, жыл басынан бері Атырау облысының аумағында 500-ден астам интернет-алаяқтық дерегі тіркеліп, олардың 100-ге жуығы сотқа жолданды. Осы орайда, полиция азаматтарды бейтаныс адамдарға банк картасының деректері мен SMS-кодтарды бермеуге, күмәнді сілтемелерге өтпеуге және ақша аударуға асықпауға шақырады.
