Атырау қаласындағы Жеңіс саябағы - сұрапыл соғыс жылдарында ел үшін жанын қиған майдангерлердің рухына арналған ерекше орын. Мемориал қабырғаларына майданнан оралмаған және хабарсыз кеткен 24 680 атыраулықтың есімі жазылған.
Мемориалдық кешен 2015 жылы Ұлы Жеңістің 70 жылдығына орай бой көтерді. Бүгінде бұл жер тек демалыс аймағы емес, тарих пен тағзым тоғысқан мекенге айналған.
Саябақ аумағында Мәңгілік алау, еске алу аллеясы мен батырларға арналған бюсттер орналасқан. Мұндағы әрбір ескерткіш - ел қорғаған ерлердің ерлігіне қойылған тағзым.
Жеңіс саябағы - бейбіт күннің бағасын ұмыттырмайтын, өткенге құрмет пен болашаққа тағылым сыйлайтын тарихи орын.
