Мәжіліс Төрағасы Ерлан Қошанов бастаған «Әділетті және Прогрессивті Қазақстанның Халықтық Конституциясы үшін!» Жалпыұлттық коалициясының мүшелері Павлодар облысының жұртшылығымен кездесті. Онда Торайғыров университетіндегі «Үштұғырлы тіл» кафедрасының меңгерушісі Айман Зейнулина ел азаматтары үлкен тарихи оқиғаның куәгері екенін мәлімдеді.
«Біздің иығымызда, жүрегімізде үлкен борыш, үлкен парыз тұр. Бұл Ата Заңымызда ең басты жазылған дүние – Ұлы даланың мың жылдық тарихи сабақтастығы деген қағидат. Жаңа Ата Заңда адамның тәрбиесі, адамның табиғаты, ұлттық болмысы, ұлттық парасаты бірінші орынға қойылды», – деді Айман Зейнулина.
