Атырау қаласындағы №51 «Келешек» мектебінде тарих және қазақ тілі пәндері бірлестігінің жұмысы арқылы оқушыларға ұлттық құндылықтарды насихаттауға ерекше мән берілуде.
Тарих пен қазақ тілі — жас ұрпақтың ұлттық санасын қалыптастырып, туған елге деген сүйіспеншілігін арттыратын маңызды пәндер. Осы бағытта мектеп ұстаздары оқушылардың тарихи білімін тереңдетіп, ана тілін құрметтеуге және ұлттық мұраны қадірлеуге бағытталған жұмыстар жүргізіп келеді.
Пән сабақтарында оқушылар тарихи оқиғаларды зерделеп, қазақ халқының мәдениеті мен салт-дәстүрі туралы білімдерін толықтырады. Сонымен қатар өз ойын еркін жеткізуге, сауатты сөйлеуге, пікірін дәлелдеп, сыни тұрғыдан ойлауға дағдыланады.
Мектептегі тарих және қазақ тілі пәндері бірлестігінің негізгі мақсаты — тарихын білетін, тілін құрметтейтін, ұлттық құндылықтарды бағалайтын, білімді әрі елжанды тұлға тәрбиелеу.
Ұлттық құндылықтарды ұлықтау — өткенді құрметтеп қана қоймай, болашаққа сеніммен қадам басатын ұрпақ қалыптастырудың маңызды негізі. №51 «Келешек» мектебінің ұстаздары осы бағыттағы жұмыстарды жүйелі түрде жалғастыруда.
