Бүгін Коалиция өкілдері Ақжібек Сабырғалиева мен Бақберген Сакипов Индер ауданының Есбол ауылдық округінің тұрғындарымен кездесу өткізді. Жиын барысында олар Жаңа Конституция жобасының басым бағыттарын таныстырып, енгізілетін өзгерістердің мазмұны мен стратегиялық маңызын кеңінен тарқатты. Кездесу еркін пікір алмасу форматында ұйымдастырылды.
Басқосу барысында жаңартылған Негізгі заңның ел дамуына серпін берудегі рөлі, құқық үстемдігін нығайту, азаматтардың құқықтық мәдениетін арттыру бағытындағы ықпалы жан-жақты талқыланды. Тұрғындар өз ойларын ашық білдіріп, ұсыныстарын айтып, толғандырған сұрақтарына нақты жауап алды.
