Сайлау күні 18 жасқа толып, алғаш рет дауыс беру құқығына ие болған жастар үшін бұл күн қос қуанышқа айналды.
№116 сайлау учаскесінде Әсем Асқарқызыөз таңдауын жасаса, №114 сайлау учаскесінде жергілікті тұрғын Маханов Жәнібек Русланович да дәл туған күнінде алғашқы азаматтық жауапкершілігін жүзеге асырды. Туған күн иелері ел болашағы үшін дауыс беріп, белсенділік танытты
Маханов Жәнібек: «Бүгін мен үшін өте ерекше күн. Туған күнімде ел болашағы үшін алғаш рет өз дауысымды беру — үлкен жауапкершілік. Біздің таңдауымыз — ертеңгі жарқын болашағымыздың негізі», — деп ағынан жарылды.
Әсем Асқарқызы: «18 жасқа толған күні алғаш рет сайлауға қатысу — тарихи әрі есте қаларлық сәт. Жастардың белсенділігі мен әрбір берілген дауыс еліміздің өркендеуіне қосылған нақты үлес деп білемін», — деп өз әсерін бөлісті.
