Референдум күні дауыс беру учаскесіне келгендердің қатарында жасы үлкен қариялар да болды.
Солардың бірі – Индербор кенті тұрғыны Әділхан Жұмашев қолындағы бала-келіні Айбол мен Әселмен бірге келіп өз таңдауын жасады. Жасы ұлғайып, көру қабілеті нашарлағанына қарамастан, ел болашағына бейжай қарамай, маңызды саяси науқаннан тыс қалмауды жөн көрген екен.
— Кезінде Индер борат кенішінің шахтасында ұзақ жылдар қажырлы еңбек еттім. Содан 50 жасымда жеңілдікпен зейнеткерлік демалысқа шыққанмын. Қазір 4 ұлымнан тараған немере, шөберелердің қызығын көріп отырған бақытты атамын. Жасым тоқсанға таяса да елдің азаматы ретінде дауыс беру учаскесіне арнайы келіп, азаматтық борышымды орындауды парыз санадым, —дейді ақсақал.
С. Сансызбайұлы.
