Есбол ауылдық округінде «Таза Қазақстан» экологиялық акциясы аясында тұрғындар арасында түсіндіру жұмыстарын жүргізу мақсатында 6 жұмысшы тобы құрылып, өз қызметін атқаруда.
– Жыл басынан бері «Таза Қазақстан» акциясы аясында 3 рет сенбілік ұйымдастырылып, ауылдардың айналасы, ауыл маңындағы зираттар, Жайық өзенінің жағалауы, сондай-ақ ауыл ішіндегі 3 жасыл желек аумағы мен 1 саябақта санитарлық тазалық жұмыстары жүргізілді. 68 қураған ағаш кесілді. Сенбіліктерге барлығы 214 адам және 5 техника бірлігі жұмылдырылып, 116 тонна қоқыс қалдығы шығарылды, – дейді округ әкімінің орынбасары Ерболат Саб иров.
Сонымен қатар көктемгі тазалық жұмыстары шеңберінде бөлінген қаржы есебінен Есбол және Ынтымақ ауылдарындағы тұрмыстық қатты қалдықтарды төгетін полигондар ауыр техникамен тазартылып, тегістеу жұмыстары жүргізілуде екен. Көшелерде орналасқан 5 баннер жаңартылған. Акция аясындағы жұмыстар жоспар бойынша жалғаспақ.
