«Таза Қазақстан» экологиялық акциясы аясында елді мекендердің тазалығын сақтау, қоршаған ортаны қорғау және тұрғындардың экологиялық мәдениетін қалыптастыру мақсатында ауқымды сенбілік жұмыстары ұйымдастырылуда. Осындай игі бастамалардың бірі – «Жұдырықтай жұмылған» қағидасымен жүзеге асқан тазалық шаралары.
Акция барысында ауыл тұрғындары, мекеме қызметкерлері, жастар мен еріктілер бірлесіп, туған жердің тазалығы үшін жұмыла еңбек етті. Көшелер мен қоғамдық орындар тазартылып, қоқыстар жиналды, аумақтар абаттандырылды. Бұл жұмыстар қоршаған ортаның көркеюіне ғана емес, тұрғындардың ортақ жауапкершілігін арттыруға да ықпал етті.
Тазалық – әр адамның мәдениеті мен жауапкершілігінің айнасы. Сондықтан «Таза Қазақстан» акциясы аясындағы мұндай шаралар қоғамның бірлігі мен ұйымшылдығын көрсетеді. «Жұдырықтай жұмылған» ел ғана қоршаған ортаны таза ұстап, келешек ұрпаққа көрікті мекен қалдыра алады. Табиғатты аялау – баршамызға ортақ міндет.
