Қазіргі заманда цифрлық трансформация мен жасанды интеллект – ел дамуының басты қозғаушы күшіне айналды. Президенттің Жолдауында бұл бағыттың ерекше аталуын уақыт талабы деп есептеймін. Себебі технология дамыған сайын экономика да, білім де, мемлекеттік қызмет те жаңа деңгейге көтеріледі.
Біріншіден, цифрландыру халыққа қолайлылық әкеледі. Көптеген мемлекеттік қызметтер онлайн форматқа көшіп, уақыт үнемделеді, сыбайлас жемқорлық азаяды. Ауыл тұрғындары да үйден шықпай-ақ қажетті анықтамалар мен құжаттарды ала алады.
Екіншіден, жасанды интеллект өндіріс, медицина, білім беру салаларында үлкен мүмкіндіктер ашады. Мысалы, дәрігерлерге диагноз қоюда көмектессе, мұғалімдерге оқу сапасын арттыруға, ал кәсіпкерлерге бизнесті тиімді басқаруға жағдай жасайды. Бұл – еңбек өнімділігін арттырып, ел экономикасын күшейтеді.
Сонымен қатар, цифрлық сауаттылықты арттыру өте маңызды. Әсіресе жастар мен ауыл халқын жаңа технологияларға үйрету керек. Сонда ғана цифрлық теңсіздік болмайды.
Қорытындылай келе, цифрлық трансформация мен жасанды интеллект – Қазақстанның болашағы. Бұл бағытты дұрыс пайдалансақ, еліміз бәсекеге қабілетті, заманауи мемлекетке айналады деп сенемін.
