АУДАН ӘКІМДІГІНІҢ ЕЛДІ МЕКЕНДЕРДІҢ КӨРІКТЕНДІРІЛУІ ЖӘНЕ САНИТАРЛЫҚ ЖАЙ-КҮЙІ ШАРАСЫН ӨТКІЗУ ТУРАЛЫ АРНАЙЫ ҚАУЛЫСЫНА СӘЙКЕС КЕНТТІҢ КӨШЕЛЕРІН КӨРІКТЕНДІРІП, ТАЗАЛЫҒЫНА БАСА МӘН БЕРІЛМЕКШІ.
Индербор кентінің әкімі Шалқар Алмурзиевтің айтуынша, 30 жерге жаңадан қоқыс контейнерін орнату жұмыстары басталып кеткен.
– Әзірге кенттің орталық көшелерін қолға алдық. Бірте- бірте үйлер алдындағы қоқыс салатын тоңазытқыштардан арылатын боламыз. Жаңадан орнатылған контейнерлердегі қоқыстарды «АгроСтройИндер» ЖШС арнайы орынға тасымалдаумен айналысады, – дейді кент әкімі Шалқар Болатұлы.
Контейнерлер бір жерге әрі арнайы дайындалған орындарға қойылуда. Оның үстіне қақпағы да жабық. «Енді ит-құс, мал шашып кетеді» дегеннен арылатын боламыз. Десек те бұл жерде тұрғындардың жауапкершілігі маңызды. Себебі сол қақпағын ашуға ерініп, қоқысты жан- жағына тастай салатындар бар көрінеді. Ойланатын жайт!
