Қоғамның тыныштығы мен тұрақтылығы ең алдымен заңға деген құрметтен басталады. Заң — белгілі бір талаптардың жиынтығы ғана емес, әр адамның құқығы мен қауіпсіздігін қорғауға арналған ортақ тәртіп. Сондықтан заңды сақтау — тек жауапкершіліктен қорқу емес, қоғам алдындағы азаматтық міндетті түсіну.
Күнделікті өмірде заң мен тәртіптің маңызын көп жағдайда байқамаймыз. Жол ережесін сақтау, қоғамдық орында тәртіп бұзбау, өзгенің мүлкіне қол сұқпау, адамның ар-намысына құрметпен қарау сияқты қарапайым әрекеттердің барлығы құқықтық мәдениетті қалыптастырады. Бір адамның тәртіпке немқұрайлы қарауы өзгелерге де әсер етуі мүмкін. Ал әр азамат өз міндетін жауапкершілікпен орындаса, қоғамдағы сенім де нығая түседі.
Заңның талаптарын білу де маңызды. Өз құқығын білетін адам әділетсіздікке бейжай қарамайды, ал өз міндетін түсінетін азамат өзгелердің құқығына құрметпен қарайды. Осылайша құқықтық сауаттылық қоғамдағы түрлі келіспеушіліктердің алдын алуға ықпал етеді.
Қорытындылай айтқанда, заң мен тәртіп — мемлекеттің ғана емес, әр азаматтың ортақ жауапкершілігі. Заңға құрметпен қарау арқылы біз өз қауіпсіздігімізді ғана емес, айналамыздағы адамдардың тыныштығын да қорғаймыз. Заңды сақтау — тәртіпке бағыну ғана емес, өркениетті қоғам құруға қосылған үлес.
Г.Насиполла
