«SOS-102» мобильді қосымшасы және қауіпсіздік бойынша түсіндірме жұмыстары
«Көктем» қазақ орта мектебінде кәмелетке толмағандар арасындағы және оларға қарсы жасалатын құқық бұзушылықтардың алдын алу, оқушылардың қауіпсіздігін қамтамасыз ету және құқықтық сауаттылығын арттыру мақсатында түсіндірме жұмыстары жүргізілді.
Мектеп инспекторы А. Сагибекова 8–11 сынып оқушыларына «SOS-102» мобильді қосымшасының маңыздылығы туралы ақпарат беріп, қосымшаны Google платформасы арқылы жүктеп алу және қажет жағдайда пайдалану тәртібін түсіндірді.
Сонымен қатар, оқушыларға:«Менің құқықтарым менің жауапкершілігім» тақырыбында “нөлдік төзімділік” қағидаты бойынша:
буллинг пен кибербуллингтің алдын алу; құқық бұзушылыққа жол бермеу; күмәнді немесе қауіпті жағдайларға бейжай қарамау; кәмелетке толмағандардың құқықтары бұзылған жағдайда тиісті органдарға дер кезінде хабарлау; мектептегі қауіпсіздік талаптарын сақтау мәселелері бойынша түсіндірме жұмыстары жүргізілді.Оқушыларға қауіпсіздік – әр адамның ортақ жауапкершілігі екендігі түсіндіріліп, құқықтық сауаттылықты арттырудың маңыздылығы атап өтілді.
Сондай-ақ қатар мектептегі қауіпсіздік – басты назарда!
Білім алушылардың қауіпсіздігін қамтамасыз ету мақсатында мектеп аумағында бейнебақылау жүйесі тұрақты түрде жүргізілуде.Мектептің ауласы, дәліздері және оқу кабинеттері бейнебақылау жүйесімен қамтылған. Оқушылардың қауіпсіздігін сақтау, құқық бұзушылықтардың, буллинг пен әлімжеттіктің алдын алу бағытында бейнебақылау жүйесінің маңызы зор.
Сонымен қатар, білім алушыларға мектеп ғимаратында бейнебақылау жүргізілетіні туралы «Байқаңыз! Бейнебақылау» ақпараттық жапсырмалары түрлі-түсті нұсқада, оқушыларға көрнекті әрі қолжетімді болатындай етіп дәліздерге, кабинеттерге және мектептің басқа да бұрыштарына орналастырылды.
Негізгі мақсат – оқушылар үшін қауіпсіз әрі қолайлы білім беру ортасын қалыптастыру, құқық бұзушылықтардың алдын алу және қауіпсіздік талаптарының сақталуын қамтамасыз ету.Қауіпсіз мектеп – жауапты қоғамның негізі!
Индер аудандық полиция бөлімі
