«Таза Қазақстан» экологиялық акциясы – қоршаған ортаны таза ұстауға ғана емес, туған жерге деген жауапкершілікті арттыруға бағытталған маңызды бастама. Тазалық жұмыстарына тұрғындардың белсенді қатысуы – елді мекеннің көркеюіне үлкен үлес қосады. Әрбір таза аула, абаттандырылған көше, отырғызылған тал мен жиналған қоқыс – ортақ еңбектің нәтижесі.
Туған жердің тазалығы бір күндік акциямен шектелмеуі керек. Қоршаған ортаны қорғау – әр азаматтың күнделікті әдетіне айналғаны дұрыс. Өзімізден бастап тазалықты сақтасақ, кейінгі ұрпаққа таза әрі көрікті орта қалдырамыз. Сондықтан «Таза Қазақстан» бастамасына қолдау білдіріп, туған өлкеміздің тазалығы мен көркеюіне бірге атсалысайық!
Г.Насиполла
