«Таза Қазақстан» – бұл тек бір реттік акция емес, ол әрбір азаматтың күнделікті өмір салтына айналуы тиіс маңызды бастама. Мемлекет басшысы Қасым-Жомарт Тоқаев атап өткендей, елдің тазалығы – ұлттың мәдениеті мен санасының көрінісі. Сондықтан қоршаған ортаны қорғау, табиғатты аялау және туған жерді таза ұстау – баршамыздың ортақ міндетіміз.
Бүгінде елімізде экологиялық мәдениетті қалыптастыруға ерекше көңіл бөлініп отыр. Бұл бағыттағы жұмыстарға жастардың белсенді қатысуы – болашаққа деген сенімнің белгісі. Әр адам өз ауласынан бастап тазалық сақтаса, еліміз көркейіп, келер ұрпаққа таза әрі жайлы орта қалдырамыз.
Таза табиғат – денсаулықтың кепілі, ал таза қоғам – жарқын болашақтың негізі. Сондықтан «Таза Қазақстан» бастамасы әр жүректе жауапкершілік пен жанашырлықты оятуы тиіс.»
