Кез келген адам баласына ата-анасынан, туған жерінен және өскен ортасынан қалған мұра қымбат. Бірақ сол мұраның ішінде көп жағдайда назардан тыс қалып жататыны -қоршаған ортаның тазалығы. Бүгінгі ұрпақтың табиғатқа жасаған қамқорлығы ертеңгі буынға қалатын үнсіз мұра болып саналады.
«Таза Қазақстан» акциясы тек көшені тазалау немесе қоқыс жинаумен шектелмейді. Бұл - қоғамның табиғатқа деген көзқарасын өзгертетін маңызды бастама. Әр отырғызылған ағаш, әр тазаланған аула келешек ұрпақтың жайлы өмір сүруіне жасалған үлес.
Туған жердің тазалығын сақтау - барша азаматтың ортақ міндеті. Себебі таза ортада өскен бала табиғатты құрметтеуді үйренеді, ал табиғатты құрметтеген ұрпақ елдің болашағына жауапкершілікпен қарайды.
