Таза Қазақстан экологиялық акциясы аясында қоршаған ортаны қорғау, тазалық мәдениетін қалыптастыру және туған жердің көркеюіне үлес қосу бағытында ауқымды жұмыстар атқарылуда. «Тазалық бар жерде – тіршілік бар» деген нақыл сөздің мәні терең. Себебі таза орта – адам денсаулығының, жайлы өмірдің және табиғаттың үйлесімділігінің кепілі.
Тазалық – тек сенбілік кезінде ғана емес, әр азаматтың күнделікті өмір салтына айналуы тиіс маңызды құндылық. Осы орайда ауыл-аймақтарда, елді мекендерде тазалық жұмыстары жүргізіліп, көшелер мен қоғамдық орындар қоқыстан тазартылып, айналаны абаттандыру шаралары қолға алынуда. Мұндай игі істер тұрғындардың табиғатқа деген жанашырлығын арттырып, ортақ іске жауапкершілікпен қарауға тәрбиелейді.
«Таза Қазақстан» акциясының басты мақсаты – қоршаған ортаны таза сақтау арқылы халықтың өмір сүру сапасын жақсарту және экологиялық мәдениетті қалыптастыру. Табиғат – баршаға ортақ байлық. Сондықтан туған жердің тазалығына бейжай қарамай, оны таза ұстау – әр азаматтың міндеті. Расында да, тазалық бар жерде береке, бірлік және тіршілік болады.
