Қасым-Жомарт Тоқаев, Қазақстан Республикасының Президенті:
– Шын мәнінде, елімізді көгалдандыру, абаттандыру – үлкен мемлекеттік маңызы бар іс. Бұл бүгін шығып, ертең ұмытып кететін бірреттік науқан емес. Аталған жұмыс тұрақты түрде жүргізіледі. Туған жерімізді таза ұстауымыз керек. Бұл – жалпыұлттық мәселе.
Қасым-Жомарт Тоқаев көтерген бұл бастама – әр азаматтың санасына жауапкершілік жүктейтін маңызды үндеу. Елді көгалдандыру мен тазалықты сақтау тек мемлекеттік деңгейдегі шара ғана емес, ол – әрқайсымыздың күнделікті әдетімізге айналуы тиіс. Қоршаған ортаны таза ұстау арқылы біз болашақ ұрпаққа үлгі көрсетеміз. Сондықтан туған жерге жанашырлық танытып, табиғатты аялау – бәрімізге ортақ міндет.
Ж.Изимова
