Қазіргі таңда интернет арқылы жасалатын алаяқтық әрекеттер көбейіп келеді. Әсіресе, алаяқтар тұрғындарды алдап-арбау үшін әлеуметтік желілер мен мессенджерлерді кеңінен қолдануда. Соның ішінде «Kaspi» қосымшасы атынан хабарласып немесе Telegram желісі арқылы «Мен ұтып алдым, сен де алып көр» деген секілді жалған ақпарат тарату жиі кездеседі.
Алаяқтар түрлі сілтемелер жіберіп, азаматтардың жеке деректерін, банк картасының нөмірін, SMS-кодтарын алуға тырысады. Кей жағдайда олар сыйлық, бонус немесе қомақты ақша ұтып алғаныңызды айтып сендіреді. Мұндай хабарламаларға сеніп қалған адамдар өз қаражатынан айырылып жатады.
Мамандар төмендегі қауіпсіздік ережелерін сақтауға кеңес береді:
* Бейтаныс адамдар жіберген сілтемелерге өтпеу;
* SMS арқылы келген кодтарды ешкімге айтпау;
* Kaspi, банк немесе мемлекеттік мекеме атынан хабарласқан адамдарға жеке мәлімет бермеу;
* Telegram мен әлеуметтік желідегі күмәнді жарнамаларға сенбеу;
* Қосымшаларды тек ресми платформалардан жүктеу.
Егер күмәнді хабарлама немесе қоңырау түссе, бірден банкке немесе құқық қорғау органдарына хабарласқан дұрыс.
Интернет алаяқтарының құрбаны болмас үшін әр азамат сақтық шараларын қатаң ұстанып, ақпараттық қауіпсіздікке жауапкершілікпен қарауы қажет.
