Қазіргі таңда интернет және қаржылық алаяқтың түрлі тәсілдері аудан деңгейінде таралуы тұрғындардың мүліктік қауіпсіздігіне қауіп төндіруде.
Ағымдағы жылдың 7 айында интернет-алаяқтық дерегі бойынша 16 қылмыстық іс (2025 ж. 24 қылмыс, -33,3%) тіркелді. Оның ішінде сотқа кеткен 7 іс бойынша жәбірленушілерге келтірілген материалдық шығындар сот шешімімен толық көлемде өндіріліп, қаражат қайтарылды.
Қазіргі уақытта тағы да басқа интернет алаяқтық бағытындағы 2 қылмыстық іс бойынша күдікті тұлғалар басұа облыстардан анықталып, жедел іс-шаралар жүргізу үшін бөлімнің тергеу және жедел уәкіл қызметкерлері іс- сапарға жолданып, оларға қатысты тергеу амалдары тиісті деңгейде жүргізілуде.
Бүгінде интернет пен әлеуметтік желілерді күнделікті өмірде кеңінен пайдаланамыз. Алайда интернет мүмкіндіктерімен қатар, азаматтарды алдау арқылы қаражаты мен жеке деректерін иемде нуге бағытталған түрлі алаяқтық әрекеттер де кездеседі.
Сондықтан әрбір азамат интернеттегі қауіп-қатерлерді танып, алаяқтардың әрекет ету тәсілдерінен хабардар болуы маңызды,
Ербатыр Камешов,
аудандық полиция бөлімінің
Криминалдық полиция бөлімшесінің аға жедел уәкілі,
полиция майоры
