Баланың психикасының бұзылуы – бүгінгі қоғамдағы маңызды мәселелердің бірі. Себебі бала – нәзік жан иесі, оның көңіл күйі мен ішкі әлемі айналасындағы ортаға тікелей байланысты. Отбасындағы ұрыс-керіс, ата-ананың немқұрайлылығы, зорлық-зомбылық, телефонға тәуелділік, дұрыс тәрбие мен мейірімнің жетіспеуі баланың психологиясына кері әсер етеді.
Психикасы бұзылған бала тұйықталып, ашушаң болып, оқу үлгерімі төмендеуі мүмкін. Кейде өз ойын жеткізе алмай, жалғыздықты сезінеді. Сондықтан әр ата-ана баласының көңіл күйіне мән беріп, оны тыңдап, түсіне білуі керек.
Балаға ең керегі – махаббат, жылы сөз және қауіпсіз орта. Егер әр отбасы бала тәрбиесіне жауапкершілікпен қараса, болашақ ұрпақтың психикасы сау, санасы сергек болып өседі. Баланың жан дүниесін қорғау – баршамыздың міндетіміз.
