«Таза Қазақстан» акциясы тек қоқыс жинаумен шектелмейді. Бұл бастама туған жерге деген жанашырлықты арттырып, айналаны көркейтуге үндейді. Соның бір көрінісі – ауыл көшелері мен аулаларға гүл егу жұмыстары.
Гүл егілген көше бірден құлпырып, тұрғындардың көңіл-күйіне оң әсер етеді. Әсіресе балалар табиғатқа қамқор болуды кішкентайынан үйренеді. Әр тұрғын өз ауласына бірнеше түп гүл отырғызып, оны күтіп-баптаса, ауылдың ажары арта түседі.
Таза әрі көрікті орта – мәдениетті қоғамның белгісі. Сондықтан туған жеріміздің гүлденуіне әрқайсымыз үлес қосайық.
