Қазақстан Президенті Қасым-Жомарт Тоқаевтың халыққа арнаған алғашқы Жолдауы кәсіпкерлер үшін жақсы жаңалықтарға толы.

Бұған дейін де мемлекет тарапынан кәсіпкерлерге қайтарымсыз грант немесе жеңілдікпен несие беріліп келген болатын. Әсіресе, Жолдауда 2020 жылдан бастап үш жылға дейін микро және шағын кәсіпкерлікті тексеруге тыйым салу, экономиканы әртараптандыруға қатысты мәселелер кәсіпкерлердің көкейінде жүрген жайттар болатын.Міне, бұл кәсіпкерлер үшін зор мүмкіндік екені сөзсіз.

Расында да кәсіпкерлік бағытында аудандық деңгейде үйлестіретін жұмыстар бар деп есептеймін. Мысалы, ірі кәсіпкерлер мен шағын кәсіп иелері коммуналдық төлемдерін бірдей жоғары бағамен төлейді. Азын-шоғын түскен табысы осы коммуналдық төлемдерден ауыса бермейді. Осындай айырмашылықтарды жергілікті жерде зерделеп, бағаны ретіне қарай белгілеуге мүмкіндік бар деп ойлаймын.

Міне, Президентіміздің жаңа Жолдауы жас кәсіпкерлер үшін жағдай туғызып, олардың істерінің алға басуына жол ашатынына сенімдімін.

Игілік ҚАНАТОВ,

жеке кәсіпкер.