Жақында Бөдене ауыл тұрғындары қос бірдей қуаныштың куәсі болды.

Мәселен, жастар жылына орай ауылға кіреберістегі ескі саябақ мемлекет есебінен қаржы бөлініп, жеке кәсіпкер «Хасанғалиев» қазіргі заманға сай жөндеу жұмыстарын жүргізіп жастардың жазғы мезгілде уақыттарын тиімді өткізіп демалуларына қолайлы етіп жасап, пайдалануға берсе, округ әкімшілігіне қарасты кеңсе ғимаратынан бір орын алып, бөлменің ішін өз қаржысына әсемдеп ауыл тұрғындарына қажетті тауарлармен жабдықтаған Балауса Мадихованың «Бейбарыс» фото студиясы.

Қос бірдей қуаныштың ашылу салтанатында Бөдене ауылдық округінің әкімі, Бөдене бастауыш партия ұйымының төрағасы Жанболат Ғизатов пен зейнеткер ауыл тұрғыны Марат Қалиахметов ауыл келбетіне ажар беріп, сән салтанатының асқақтауына үлес қосатын нысандардың ашылуымен құттықтап, алқызыл ленталарын кесті. Өзіне қолдау көрсеткен округ әкімшілігіне ризашылығын білдіріп, жылы лебізін жеткізген Балауса Мадихова ауыл тұрғындарының игілігі үшін алдағы уақытта жұмыс жасауға өз ықыласын жеткізді.

Сәбит Төлешұлы

Бөдене ауылдық округ әкімі аппаратының жастар ісі жөніндегі маманы