Индер аудандық ардагерлер кеңесінің кезекті Ү пленумында жылдың қорытындысы мен алдағы міндеттер талқыланды.

Қоғамдық ұйым төрағасы Өтеп Нұриев хабарлама жасап, аудан әкімінің орынбасары Дарын Шамұратов Елбасының Жолдауы мен «Рухани жаңғыру», «Ұлы Далының жеті қыры» мақалаларынан туындайтын міндеттерді, ауданда қолға алынған жұмыстарды баян етті.

Пленумда өзгелермен қатар қоғамдағы, отбасында тәрбиеге, имандылық, тазалық, жерді қорғауға, экология, әр үйге 15 түп тал ексе деген бастамаға үн қосуға енжар, белсенділік танытушылар неге аз деген ойлар ортаға тасталды.

Жастар тәрбиесін ұялы телефонға, тазалықты, басқаны өзгеге артудан сақтандырған ардагерлер Өтеғұл Жалғасбаев, Тасқали Темірболатов, Серікқали Жұқиев, Шолпан Мұхамедияр, Қоқажан Фазылов, Нұржамал Қуанова, Төлеп Каналин пікірлерін басқалар да қолдады.

Басқа түгілі ұрпағына ұлағатын дарыта алмайтын үлкендер арамызда көп пе деген сауал «қасіретті түсіне алмағаннан қасиет те күтуге болмайды» дегенмен үндес естіледі көрінеді екен.

С.ХАЛЫҚОВ.