Алты ай жазғы-қысқы маусымға дайындық жұмыстарын күні кешегі 6-9 желтоқсандағы қалың тұман мен жаңбыр, одан соңғы көктайғақ алғашқы сын тезінен өткізгендей болды.

Дегенмен, адамның шаруасы таусылған ба, әрі жұма-сенбі-жексенбі күндері дерлік екі беттегі Атырау-Орал, одан соң Атырау-Индер жолдарымен арлы-берлі жүруге мәжбүр болғандар да аз болмады. Сонда байқағанымыз, алдын ала жасалған ескертпеге сай 6 желтоқсан күні Атырау-Индер жолы арқылы қозғалысқа тыйым салынды. Өйткені, бұл күні әуелі жаңбыр, одан қар жауып, соңы көктайғақ пен қалың тұманға ұласты. Жақсысы, Атырау-Индердегі жол-қозғалысын бақылаушылар тәртіпті қатаң ұстады.

Бірақ екі беттегі жол бойында әдетте қиын сәтте жылыту пункті бар, онымен мына нөмерге байланыса аласыз деген құлақтандыруды байқамадық Сол секілді Атырау-Индер жолына бойына көктайғақ жолға төгілген топырақты да көрмедік.

-Бұл жолды «Аслим» ЖШС жеңіп алған болатын. Бірақ жұмысы әлі көрінбейді,-деді аудандық әкімдіктің төтенше жағдайлар бойынша бас маманы Қайыржан Нұриев.

Оның хабарлауынша, Индербордағы жолдарға «Ақ Жайық» ЖШС арқылы 11 т.м. инертті материал төгілген. Өкінішке орай, қар мен көктайғақ кезіндегі жолға іркілетін қалдықты жинап алатын техника жоқ. Оны округ әкімінің міндетін атқарушы Асхат Аймұратов та жасырмады.

Соңында көктайғақтан аудандық ауруханаға 7 адам түрлі жарақатпен келсе, оның бесеуі бүгінде ем алуда. Ал құрылыстық бір тұрғынды машина қағып, мерт болыпты. Бүгінде тергеу-тексеру жұмыстары жүруде.

С.ХАЛЫҚОВ.