9–10 қыркүйек күндері республиканың барлық мектебінде ұйымдастырылып жатқан «ХХІ ғасырдағы қазақстандық ата-ана, өз балаңа үлгі бол» тақырыбындағы конференция біздің Б.Нысанбаев орта мектебінде де өтті.
Алдымен мектеп психологі Г.Ахылбекова ата-аналарға 15 сұрақтан тұратын сауалнаманы таратып, интерактивті тақтаның көмегімен слайдтарды ата-аналар назарына ұсынды. Конференцияны алғаш болып мектеп директоры Үмбеш Анар ашып, әрі қарай ата-аналарды келген Үндеу хатпен таныстырып шықты. Әрине, Республика деңгейінде дайындалған слайдтар мен роликтердің ата-аналар үшін өте маңызы болғандығы жасырын емес. Себебі конференцияға қатынасқан Алтын, Орынгүл, Айгүл есімді ата-аналар бала тәрбиесі үшін үлкен жауапкершілікпен жұмыс жасап жүрген мектеп мұғалімдеріне алғыс айтты.
Әлия Жұмашева,
Б.Нысанбаев орта мектебі директорының тәрбие жұмысы жөніндегі орынбасары