Бүгінгі Жолдауды тыңдап отырғанда елең еткізген, мен үшін ерекше маңызды болғыны «Педагог статусы» мәселесінің көтерілгендігі.

Әрине, мұғалім мәртебесін мемлекеттік дәрежеде қорғалуына негіз болады деп ойлаймын. Бұл ұстаздар ортасында көптен айтылып, әлеуметтік желілерде талқыланып жүрген мәселе. Демек, біздің Елбасы қоғамдық пікірге, ондағы түйткіл мәселеге сергек қарайды деп ұғындым. Барлық мектептердегі әдістеме мен білім сапасын НЗМ-нің деңгейіне көтеру керек деген мәселе 2016 жылғы жолдауда айтылған болатын. Бүгін тағы да атап айтты. Осы жұмысты барлық деңгейде қолға алуымыз қажет. Сергектік керек. Қазір жаңартылған білім беру мазмұны да НЗМ тәжірибесін жүзеге асыруды мақсат тұтады.

Мәртебесі айқындалған мұғалімдердің шығармашылығы жаңа биікке бағыт алатын болады деп ойлаймын.

Роза ДӘУЛЕТОВА.

М.Әуезов атындағы орта мектеп директоры.