Вы здесь: HomeАудан тынысыРеспублика жыраулары Индер ауданында

Республика жыраулары Индер ауданында

Атырау облысы әкімдігінің қолдауымен облыстық мәдениет, архив, құжаттама басқармасының тапсырысы бойынша ҚР Жазушылар одағының Атырау филиалы Индер ауданында 20 наурызда «Жырым жетсін жалпыға» атты республика жыршыларының байқауын ұйымдастырылды.

Байқауда Махамбет, Абыл ақындармен замандас, осы топыраққа табаны тиген дара Шынияз Шанайұлының 200 жылдығына және ХҮІІІ-ХІХ ғасырларда өмір сүрген жырларымен танылған Мұрат Мөңкеұлының ұстазы Есет биге, ақпа ақындық дәстүрді жалғастырған Насихат Сүгірұлының 130 жылдығына арналып, олардың жырларын орындаудағы шеберліктерін сынға салды. Байқауға Астана, Ақтөбе, Маңғыстау, Қызылорда және Атыраудан келген 17 жыршы қатысты.

Аудан әкімі М.Қалауи мен ҚР Жазушылар одағының Атырау филиалы төрағасы Қ.Жылқышиев игі тілектерін арнап, сәттіліктер тіледі. Байқауды дарынды жыршы, Махамбет атындағы жыршылар додасының бас жүлдесінің иегері Амандық Көмекұлы жүргізді.

Индер ауданы халқы атақты Алмас Алматов, Айгүл Елшібева, Елмұра Жаңаберген, Өсірбай Сәрсенбаев, Жеткізген Сейітов сынды көптеген даралармен бірге жаңадан шығып келе жатқан жастардың өнерін де тамашалап риза болысты.

С.ХАЛЫҚОВ.

Әкім жұмысына баға беріңіздер

Аудан әкімінің жұмысына қандай баға бересің?
Әкім тағайындалғалы ауданда жұмыссыздық деңгейі өзгерді ме?
Елді мекендердің тазалығына қандай баға бересіз?

Яндекс.Метрика

Біз туралы

Меншік иесі: «Атырау-Ақпарат» ЖШС

Газет ҚР Ақпарат және коммуникациялар министрлігінде 2018 жылғы 16 мамыр күні тіркеліп, тіркеу туралы 17101-Г куәлігі берілген.

Редакцияның мекен-жайы: Индер ауданы, Индербор кенті, Д.Қонаев-18.

Байланыс телефоны: 8 (712-34) 2-11-80, 2-15-26, 2-11-42 (факс)

Электронды пошта: dender_gz10@mail.ru