Вы здесь: HomeАудан тынысыОтызында алтын алқа тағынған ана

Отызында алтын алқа тағынған ана

Елбасы Н.Назарбаевтың Жарлығымен жақында алтын құрсақты аналар «Алтын алқа» және «Күміс алқамен» марапатталды. Соның ішінде Индербор кентінің тұрғыны Саркулова Айгерім Шорақызы «Алтын алқаға» ие болды.

Отыздан жаңа асқан жас ана Айгерім Шорақызы Қызылқоға ауданының тумасы. Индерлік Амангелді Бейсенбаев екеуі 2006 жылы көңілдері жарасып қосылады. Бүгінде отбасында Алдияр, Амандық, Асылжан, Асылхан, Аманай, Жасмин, Айнагүл атты ұл-қыздарын тәрбиелеп өсіруде.

- Көпбалалы отбасында тәрбиеленген балалардың көпшіл, мейірімді болып өсетінін өз отбасымнан көріп өстім, қайын жұртым да осындай үлкен шаңырақ иелері. «Қой егіз тапса, қос түп жусан артық шығады», дегендей әр баланың өз несібесі бар деп ойлаймын. Әрі қала берді балаларымыз өміріміздің жалғасы емес пе! Сондықтан да көп бала дүниеге әкелуден еш жүрексінген жоқпын. Балаларымызды жасынан бауырмал, еңбекқор болып өсуіне баса назар аударудамыз. Шүкір отағасы тұрақты жұмысында. Мемлекетіміз тарапынан жәрдемақыны да көбейтіп қолдап жатқанына алғысым шексіз,-деді ол. «Бақыт – балалы үйге қонады» дегендей, баланың қызығы мен қуанышына шаттанып отырған отбасыға біз де жақсы тілек тіледік.

С.САНСЫЗБАЙҰЛЫ.

Әкім жұмысына баға беріңіздер

Аудан әкімінің жұмысына қандай баға бересің?
Әкім тағайындалғалы ауданда жұмыссыздық деңгейі өзгерді ме?
Елді мекендердің тазалығына қандай баға бересіз?

Яндекс.Метрика

Біз туралы

Меншік иесі: «Атырау-Ақпарат» ЖШС

Газет ҚР Ақпарат және коммуникациялар министрлігінде 2018 жылғы 16 мамыр күні тіркеліп, тіркеу туралы 17101-Г куәлігі берілген.

Редакцияның мекен-жайы: Индер ауданы, Индербор кенті, Д.Қонаев-18.

Байланыс телефоны: 8 (712-34) 2-11-80, 2-15-26, 2-11-42 (факс)

Электронды пошта: dender_gz10@mail.ru