Вы здесь: HomeАудан тынысыКент қақпасы көптің көңілінен шықпай тұр

Кент қақпасы көптің көңілінен шықпай тұр

Қаланың қақпасы – әрбір шаһардың айнасы іспетті. Қала қақпасын триумфалды аркамен, яғни П әрпі бейнесінде орнату шығыс пен батыста да кең тараған.

 Индербор арбатындағы арка қақпасы кенттің көркін ашып тұрса, кент сыртында сәулеті мен сәні келіскен дұрыс қақпа жоқ. Мысалы, «Атырау –Орал» жолының кент тұсына осындай арка түрінде Индербордың белгісі орнатылған болатын. Былтыр ауданның 90 жылдығына орайлас іс жақсы басталғанымен аяғында сәулеті үйлеспей қалды. Нақты ресми ашылғанын да көрмедік. Тұрғындар арасында да ренішті пікірлер көп. Мысалы, «сырт көз сыншы» дегендей, фейсбук парақшасында облысқа белгілі кәсіпкер Мұрат Сарманов былай дейді:

-  Индер орталық жолдың бойында орналасқан. Сол жолмен жүргенде қарсы бетте орналасқан май құю стансаларының безендірілуі көз тартады, ал аудан орталығы – Индербор елеусіздеу қалады. Көрнекі, түнгі мезгілдерде шамдармен безендірілген аудан атауы орнатылған, қазақы нақышпен безендірілген белгі-тұғыр орнатылса,-десе, келесі оқырман Айка Тутешовна да кенттің атауы дұрыс көрінбейтінін айта келіп, «белгідегі жылқыларды көріп жылқы өсірумен айналысатын шаруашылық па деп қаласың»,-дейді.

Сонымен қатар Роза Дәулетова, Сайлау Жанабергенов, Мейрамбек Аухадиев, Мұрат Жиекенов, Шалқар Дюшімов, Асылхан Ермұхамбет, тағы басқа да тұрғындар кент қақпаларының үйлеспей тұрғанына реніш пікірлерін білдіреді.

Алыстан сапарлап қайтқан әрқайсымызға туған жердің атауы ыстық көрінеді. Кент атауының сәулеті үйлеспей сүмерейіп тұрғанынан гөрі көркемдігіне көз тойып жарқырап тұрғанын қалар едік.

 

Саламат БАЗАРБАЕВ.

Әкім жұмысына баға беріңіздер

Аудан әкімінің жұмысына қандай баға бересің?
Әкім тағайындалғалы ауданда жұмыссыздық деңгейі өзгерді ме?
Елді мекендердің тазалығына қандай баға бересіз?

Яндекс.Метрика

Біз туралы

Меншік иесі: «Атырау-Ақпарат» ЖШС

Газет ҚР Ақпарат және коммуникациялар министрлігінде 2018 жылғы 16 мамыр күні тіркеліп, тіркеу туралы 17101-Г куәлігі берілген.

Редакцияның мекен-жайы: Индер ауданы, Индербор кенті, Д.Қонаев-18.

Байланыс телефоны: 8 (712-34) 2-11-80, 2-15-26, 2-11-42 (факс)

Электронды пошта: dender_gz10@mail.ru