Вы здесь: HomeАудан тынысыАстанадан жеткен қуаныш

Астанадан жеткен қуаныш

Бүгінде Индербордағы қарапайым қызметкерлер Ермұқановтар отбасында үлкен қуанышты сәт орын алуда.

Өйткені, мұғалім Алтыбай Намазұлы мен дәрігер Күләш Құбайдоллақызының Астана медициналық университетінде оқитын көз қуаныштары Гаухар жоғары оқу орынын қызыл дипломмен тамамдаған. Оның құрбысы Айкенже Қалыбайқызы Құбайдуллина да осындай жетістікке жетіп, ата-анасы Қалыбай мен Қамирашқа зор қуаныш сыйлап отыр.

Сарыарқа төрінде оқитын бұл қос құрбы 2013 жылы Индербордағы М.Әуезов атындағы орта мектепті «Алтын белгімен» бітірген түлектер болатын. Яғни, жастардың бұл табысында осы мектеп ұстаздарының да зор үлесі бар деген сөз.

Жалпы осы Астана қаласындағы жоғары оқу орынынан медицина мамандығы бойынша 700 студент мемлекеттік емтихан тапсырса, олардың арасынан 52-сі қызыл дипломды иеленген екен. Оның үшеуі Атырау облысынан, соның ішінде екеуі осы Индербор кентіндегі М.Әуезов атындағы орта мектептен болуы да зор мәртебе.

Ендеше өте қажет дәрігері жетіспей жатқан ауданның жастары медициналық білім алып, ауылға оралып жатса одан әрі де қуаныш бола түсері анық. Ал ата-аналар мен ұстаздарға, жастарға тек сәттіліктер, қуаныштар тілейміз.

 

С.БИСЕНОВ.

Әкім жұмысына баға беріңіздер

Аудан әкімінің жұмысына қандай баға бересің?
Әкім тағайындалғалы ауданда жұмыссыздық деңгейі өзгерді ме?
Елді мекендердің тазалығына қандай баға бересіз?

Яндекс.Метрика

Біз туралы

Меншік иесі: «Атырау-Ақпарат» ЖШС

Газет ҚР Ақпарат және коммуникациялар министрлігінде 2018 жылғы 16 мамыр күні тіркеліп, тіркеу туралы 17101-Г куәлігі берілген.

Редакцияның мекен-жайы: Индер ауданы, Индербор кенті, Д.Қонаев-18.

Байланыс телефоны: 8 (712-34) 2-11-80, 2-15-26, 2-11-42 (факс)

Электронды пошта: dender_gz10@mail.ru