Жарсуат ауылдық округіндегі шағын ауылдар – Ақтан мен Қызылжарға ауыз су тартылуда.

Индер ауданы әкімі Серік Арыстан бұл істі қолға алған оралдық «СтартстройСервис» ЖШС өкілдерімен кездесіп, жұмыстың сапалы, әрі уақытында атқарылуына баса назар аударды. Округ әкімі Ә.Балахметовтың мәлеметі бойынша, Қызылжарда барлығы 17 үй 75 тұрғын болса, Ақтанда бар жоғы 5 үй 30 адам тіркелген. Екі ауылдың арасы бірер шақырымдай ғана.

Индер аудандық құрылыс, сәулет және қалақұрылысы бөлімінің басшысы Б.Иманғазиевтің айтуынша, қос ауылға автокөлік жолын тартуға жобалау сметалық жұмыстары жүруде.

Өз тілшіміз.